☰  
× صفحۂ اول (current) سنڈے سپیشل دنیا اسپیشل عالمی امور صحت کیرئر پلاننگ خواتین کچن کی دنیا دین و دنیا فیشن انٹرویوز ادب
حضرت نبی کریم ﷺ کی اہم نصیحتیں

حضرت نبی کریم ﷺ کی اہم نصیحتیں

تحریر : مولانا محمد یونس پالن پوری

03-24-2019

حضرت عبداللہ بن عباس ؓبیان کرتے ہیں کہ ایک دن آپؐ کے پیچھے سواری پر بیٹھا ہوا تھا کہ حضرت رسول اللہ ﷺ نے نصیحتیں فرمائیں۔

اللہ کے حق کی حفاظت کرو:

۔تم اللہ کے حق کی حفاظت اور نگرانی کرو اللہ تمہاری حفاظت کرے گا۔ اس کا مطلب یہ ہے کہ تم اللہ کے احکام کی تعمیل کرو، شریعت اور سنت نبویؐ تمہاری زندگی سے ظاہر ہوتی ہو، نماز میں ، روزہ میں ، زکوٰۃ وصدقہ خیرات میں ، اخلاق میں ، گفتگو میں ، معاشرہ میں اللہ کے حکم او ر نبی کریم ﷺکی سنت کے تم پابند ہوجائو اللہ تعالیٰ بھی دنیا وآخرت کی ہر مشقت اور ہرپریشانی سے تمہاری حفاظت اور تمہاری دستگیر ی کرتارہے گا۔ نیز تم اللہ کے حق کی حفاظت کرو، شریعت کے پابند ہوجائو گے تو تم ہر وقت اللہ تعالیٰ کو اپنے سامنے پائو گے ۔ جب اللہ تعالیٰ ہر وقت تمہارے سامنے ہے تو تم کو پھر کسی اور کا محتاج ہونے کی ضرورت نہیں اور جب اللہ کی طاقت تمہارے ساتھ ہے تو تمہارا کون کیا بگاڑسکتاہے ۔

صرف خدا سے مانگو:

۔دوسری نصیحت آپ ﷺ نے یہ فرمائی کہ جب تمہیں کچھ مانگنے کی ضرورت پیش آ جائے تو صرف اللہ سے مانگو اللہ تعالیٰ کی دولت کا سمندر اتنا وسیع ہے کہ انسانی عقل حیران اور ششد ر ہے۔ اگر اللہ تعالیٰ سب کو ان کی تمنا اور آرزوئوں کے مطابق دے دے تو اس کی دولت میں سے اتنا بھی نہیں جاتا جتنا سمندر میںسے سوئی کی نوک میںآسکتا ہے ۔ اور وہ صاحب دولت بھی خوش نصیب ہے کہ ادھر تم اللہ سے مانگتے ہو اور ادھر اللہ پاک اس کے دل میں ڈال دیتاہے اور بے چین ہوکر تمہارے پاس لے کر آتاہے اور اگر تم اس کو قبول کرلیتے ہو تو وہ اپنی خوش نصیبی سمجھتا ہے۔

تم بھی مقبولِ بار گاہ ہوئے اور اس کی دولت کو بھی عنداللہ شرف قبولیت حاصل ہوا تم نے تقویٰ اختیار کیا اور اس کامال ایک متقی کو پہنچ گیا۔حضرت رسول اللہﷺ نے ارشاد فرمایا کہ تم مومن کے علاوہ کسی دوسرے کو اپنا دوست ہرگز مت بنائو اور تمہارے یہاںکا کھانا متقی لوگوں کے علاوہ کوئی دوسرا کھانے نہ پائے ۔لہٰذا تمہارا دوست بھی کامل ہونا چاہیے اور تمہارے مہمان بھی متقی لوگ ہونے چاہئیں۔(ترمذی : ۲/۶۵)

صرف اللہ سے مدد مانگو:۔

تیسری نصیحت آپ ﷺ نے یہ فرمائی ہے کہ جب تم کسی مصیبت ، دشواری میں مبتلا ہوجائو ۔ کسی پریشانی میں ، بیماری میں ، دشمنوں کے نرغہ میں آجائو اور ہر طرف سے تمہیں ستایا جارہا ہو تو ایسے حالات میں تمہارا دستگیر صرف اللہ تعالیٰ ہے ، اس لیے صرف اسی سے فریاد کرو اور اسی سے مدد مانگو۔

مخلوق تم کو نفع نہیں پہنچاسکتی :

۔چوتھی نصیحت یہ فرمائی کہ اگر دنیا کے تمام انسان اور تمام اُمت مل کر تم کو کسی بات کا نفع پہنچانا چاہیں تو اس سے زیادہ

ایک پیسہ کابھی نفع نہیں پہنچا سکتے جو اللہ نے تمہارے مقدر میں لکھ دیا ہے ، لہٰذا مخلوق سے زیادہ اُمید یں مت باندھا کرو، یہ فضول خیالات ہیں ۔ تمہیں اپنی محنت خود کرنی ہے جو تمہارے مقدر میں ہے وہ تم کو اس بہانہ سے ملتا رہے گا اور ہر وقت خدا کی یاد تمہارے اندر غالب رہے گی ۔ ٭٭٭٭

مزید پڑھیں

حضرت رسول اللہﷺ نے فرمایا،ترجمہ ’’بے شک اللہ کی مدد صبر کے ساتھ ہوتی ہے۔‘‘ اللہ رب العزت نے سورۂ محمد کی ساتویں آیت میں ارشا ...

مزید پڑھیں

قرآن پاک میں اللہ تعالیٰ کاارشاد ہے : ترجمہ:’’ اے نبی ! اپن ...

مزید پڑھیں

گذشتہ شماروں سے پڑھیں

دعاعبادت کاجوہر ہے اور عبادت کا مستحق تنہا خدا ہے ۔اس لئے دعا صرف خدا سے مانگئے ، اس کے سوا کبھی کسی کو حاجت روائی کے لیے نہ پکاریئے، قرآ ...

مزید پڑھیں

بسا اوقات انسان پر اللہ کی نعمتوں کی برسات ہو رہی ہوتی ہے تو انسان یہ سمجھنے لگتا ہے کہ یہ تو میری محنت اور زور بازو کا کمال ہے بس اس غلط فہ ...

مزید پڑھیں

یہ ہجرت کا چھٹا سال تھا، مکہ سے نکلے ہوئے حضور نبی اکرمﷺ کوپانچ سال گزر چکے تھے۔ ابتلاو آزمائش کے پانچ سال، غزوہ بدر سے غزوہ خندق تک اور ...

مزید پڑھیں