☰  
× صفحۂ اول (current) دنیا اسپیشل(محمد ندیم بھٹی) خصوصی رپورٹ(محمد نعمان چشتی) عید اسپیشل(طیبہ بخاری ) عید اسپیشل(سید علی شاہ نقوی) عید اسپیشل(ڈاکٹر آئی اے خان) عید اسپیشل(مولانا مجیب الرحمن انقلابی) عید اسپیشل(عبدالحفیظ ظفر) عید اسپیشل() غور و طلب( عبدالماجد قریشی ) فیشن(طیبہ بخاری ) صحت(حکیم قاضی ایم اے خالد) دین و دنیا(ڈاکٹر لیاقت علی خان نیازی) دین و دنیا(مولانا فضل الرحیم اشرفی) کیرئر پلاننگ(پرفیسر ضیا ء زرناب) ادب(الیکس ہیلی ترجمہ عمران الحق چوہان)
احکام فطرانہ عید

احکام فطرانہ عید

تحریر : ڈاکٹر لیاقت علی خان نیازی

06-02-2019

جب رمضان ختم ہوتا اور یکم شوال ہوتا تو روز عید نبی اکرمؐ صاف اور اجلا لباس زیب تن فرماتے۔ روز عیدالفطر عیدگاہ روانگی سے قبل چند کھجوریں تناول فرماتے، جن کی تعداد طاق ہوتی۔ آپ ﷺ عیدگاہ تک پیدل تشریف لے جاتے۔ عیدگاہ جس راستے سے تشریف لے جاتے واپسی پر راستہ تبدیل فرماتے۔ عیدوں پر کثرت سے تکبیروں کا حکم فرماتے۔ نبی اکرم صلی اللہ علیہ وآلہٖ وسلم نماز عیدالفطر سے قبل فطرانہ کی رقم ادا کرنے کا حکم صادر فرماتے۔

احکام فطرانہ عید مختصراََ ملا حظہ ہوں

(۱) فطرانہ کی مقدار: عید کے دن صدقہِ فطر بھی ادا کریں‘ جو صاحب نصاب پرواجب ہے۔ حدیث شریف میں ہے کہ صدقہِ فطر روزوں کو لغواور گندی باتوں سے پاک کرنے کے لئے اور مسکینوں کی روزی کے لئے مقرر کیا گیا ہے(ابوداؤد)۔ حضرت عبداللہ بن عمر رضی اللہ عنہ‘ سے روایت ہے کہ حضوراقدس صلی اللہ علیہ وآلہٖ وسلم نے صدقتہ الفطر کو ضروری قرار دیا۔ (فی کس ) ایک صاع کھجوریں یا اس قدر جو دیئے جائیں۔ غلام اور آزاد‘ مذکر اور مونث (یعنی مرد اور عورت ) اور ہر چھوٹے بڑے مسلمان کی طرف سے ‘ اور نماز عید کے لئے لوگوں کو جانے سے پہلے ادا کرنے کا حکم فرمایا۔

(۲) کس پر واجب ہے: صدقہ فطر اس شخص پر واجب ہے جس پر زکوٰۃ فرض ہے یا ساڑھے باون تولہ چاندی یا اس کی قیمت اس کی ملکیت میں ہو یا اگر سونا چاندی اور نقد رقم نہ ہو اور ضرورت سے زائد سامان موجود ہو جس کی قیمت ساڑھے باون تولہ چاندی کی بن سکتی ہو تو اس پر بھی صد قۃ الفطر واجب ہے ۔ زکوٰۃ فرض ہونے کے لئے یہ ضروری ہے کہ مال پر چاند کے حساب سے ایک سال گزرجائے لیکن صدقۃ الفطر واجب ہونے کے لئے یہ شرط نہیں ہے۔ اگر رمضان کی تیس تاریخ کو کسی کے پاس مال آگیا جس پر صدقۃ الفطر واجب ہو جاتا ہے ‘ تو عید الفطر کی صبح صادق ہوتے ہی اس پر صدقہِ فطر واجب ہو جائےگا۔

(۳) روزوں کی قبولیت:

صدقۃ الفطر ادا کر دینے سے روزوں کی قبولیت کی راہ میں کوئی اٹکانے والی چیز باقی نہیں رہ جاتی ہے۔

(۴) ادائیگی فطرانہ: صدقہِ فطر بالغ عورت پر اپنی طرف سے دینا واجب ہے ۔ شوہر کے ذمہ اس کا صدقہ فطر ادا کرنا ضروری نہیں ‘ اور جو نا بالغ اولاد ہے اس کی طرف سے والد پر صدقہ دینا واجب ہے۔ بچوں کی والدہ کے ذمے بچوں کا صدقہ فطر دینا لازم نہیں ہے

(۵)جو اور گیہوں وغیرہ: حضوراقدس صلی اللہ علیہ وآلہٖ وسلم کے زمانے میں جو اور گیہوںوغیرہ ناپ کر فروخت کیا کرتے تھے اور ان چیزوں کو تولنے کی بجائے ناپنے کا رواج تھا۔ اس زمانے میں ناپنے کا جو ایک پیمانہ تھا اسی کے حساب سے حدیث شریف میں صدقہِ فطر کی مقدار بتائی ہے۔ ایک صاع کچھ اوپر ساڑھے تین سیر کا ہوتا تھا۔

(۶) وقت ادائیگی: صدقہِ فطر عید کے دن کی صبح کے طلوع ہونے پر واجب ہوتا ہے ۔ اگر کوئی شخص اس سے پہلے مر جائے تو اس کی طرف سے صدقہ فطر واجب نہیں ۔ صدقۃ الفطر عید سے پہلے بھی ادا کیا جا سکتا ہے۔ اگر پہلے ادا کیا تو عید کی نماز کے لئے جانے سے پہلے ادا کر دیا جائے ۔ اگر کسی نے نماز عید سے پہلے یا بعد نہ دیا تو ساقط نہ ہوگا۔ اس کی ادائیگی برابر ذمہ رہے گی ۔

جو بچہ عیدالفطر کی صبح صادق ہو جانے کے بعد ہوا ہو اس کی طرف سے صدقہ فطر دینا واجب نہیں۔ (۷) نابالغ شخص : اگر کسی نا بالغ کی ملکیت میں خود اپنا مال ہو جس پر صدقہ فطر واجب ہوتا ہے تو اس کا وارث اسی کے مال سے اس کا فطر انہ اداکرے۔ اپنے ما ل سے دینا واجب نہیں۔ (۸) رشتہ داروں کو صدقہ فطر: جن رشتہ داروں کو زکوٰۃ اور صدقہ فطر دینا جائز ہے ان کو دینے سے دہرا ثواب ہوتا ہے۔ (۹) غریب نوکروں کو ادائیگی: اپنے غریب نوکروں کو بھی زکوٰۃ اور صد قہ فطر دیا جا سکتا ہے مگر ان کی تنخواہ میں لگانا درست نہیں۔ (۱۰) دیگررشتہ داروں کو ادائیگی: اپنی اولاد کو یا ماں باپ اور نانا نانی ‘دادا دادی کو زکوٰۃ اور صدقہ فطر نہیں دے سکتے البتہ دوسرے دشتہ داروں مثلاً بھائی‘ بہن ‘چچا ‘ ماموں‘ خالہ وغیرہ کو دے سکتے ہیں

۔شوہر بیوی کو ‘ بیوی شوہر کوبھی صدقہ فطر ادا نہیں کر سکتی ہے۔ (۱۱) کن کو دینا جائز نہیں: جس پر زکوٰۃ خود واجب ہو یا زکوٰۃ واجب ہونے کے بقدراس اس کے پاس مال ہویا ضرورت سے زائد سامان ہو جس کے وجہ سے صدقہ فطرواجب ہو جاتا ہے۔ توا یسے شخص کو صدقہ فطر دینا جائز نہیں جس کی حیثیت اس سے کم ہو ،اسے زکوٰۃ اور فطر دے سکتے ہیں۔ (۱۲) ایک ہی محتاج کو دینا: صدقہ فطر ایک محتاج کو دے دینا یا تھوڑا تھوڑا کر کے کئی محتاجوں کو دے دینا دونوں صورتیں جائز ہیں اور یہ بھی جائز ہے کہ چند آدمیوں کا صدقہ ہی ایک محتاج کو دے دیا جائے۔ (۱۳) روزے نہ رکھنے کی صورت میں بھی ادائیگی ہے: اگر کسی بالغ مرد عورت نے کسی وجہ سے روزے نہ رکھے تب بھی صدقہ فطر کا نصاب ہونے پر صدقہ فطر کی ادئیگی واجب ہے۔ (۱۴) متبادل جنس: صدقہ فطر میں جو، گیہوں یاکوئی اور متبادل جنس نقد قیمت بھی دی جاسکتی ہے بلکہ اس کا دینا افضل ہے۔

مزید پڑھیں

صدقہ فطر ہر مسلمان صاحب نصاب پر واجب ہے، جونصاب زکوٰۃ کا ہے وہی اس کا بھی ہے، فرق دونوں میں یہ ہے کہ زکوٰۃ واجب ہونے کے لیے تو چاندی یا سون ...

مزید پڑھیں

گذشتہ شماروں سے پڑھیں

اللہ تعالیٰ کی محبت، معرفت، خوشنودی اور رضا حاصل کرنے کے لیے دوسروں کی ضروریات کو اپنی ذاتی ضروریات و حاجات پر ترجیح دینا ’’ایثار&ls ...

مزید پڑھیں

رسول اللہ صلی اللہ علیہ وسلم نے فرمایا’’ خبردار! جس شخص نے ظلم کیا اس پر جس سے معاہدہ ہو چکا یا اس کے حق کو نقصان پہنچایا یا اس کو تکل ...

مزید پڑھیں

{عن ابی ہریرۃ رضی اللہ عنہ قال قال رسول اللہﷺ المرء علی دین خلیلہ فلینظر احد کم من یخالل}(رواہ احمد والترمذی) مزید پڑھیں