☰  
× صفحۂ اول (current) عالمی امور سنڈے سپیشل کھیل کچن کی دنیا خواتین فیشن فیچر متفرق دین و دنیا ادب کیرئر پلاننگ
عبرت ناک واقعہ

عبرت ناک واقعہ

تحریر :

06-09-2019

حضور نبی کریم ﷺکے سامنے ایک صاحب نے اپنے زمانۂ جاہلیت کی آپ بیتی سنائی اور اس کا حسرت ناک نقشہ کچھ اس طرح کھینچا کہ نبی پاک ﷺبے قرار ہوگئے۔

وہ شخص کہنے لگا:’’یارسول اﷲ! ہم لوگ ناواقف تھے۔ ہمیں کچھ خبر نہ تھی۔ پتھر کے بتوں کو پوجتے تھے اور اپنی پیاری اولاد کو خود اپنے ہی ہاتھوں موت کے گھاٹ اُتار دیتے تھے۔یارسول اﷲ! میری ایک بہت ہی پیاری بچی تھی۔ہوا یوں کہ میں کہیں دور کام سے چلا گیا، میرے گھر میں ایک پیاری سی بچی پیدا ہوئی۔ میری بیوی نے مجھے نہیں بتایا۔ میں واپس آیا تو وہ چلنے پھرنے کے قابل ہو گئی تھی ۔واپس آ کر میں نے اسے دیکھا تو بہت غصہ آیا۔اور اسے دفن کرنے کا سوچا۔ میری بیوی نہ مانی۔یا رسول اللہ وہ بہت ہی فرمانبردار اور اچھی بچی تھی ۔میں جب بھی اس کو بلاتا وہ دوڑ کر میرے پاس آجاتی۔

ایک دن میں نے اس کو اپنے پاس بلایا وہ خوشی خوشی دوڑتی ہوئی میرے پاس آئی۔ میں اس کو اپنے ساتھ لے کر چلا۔ آگے آگے میں تھا اور وہ میرے پیچھے دوڑی چلی آ رہی تھی۔ میرے گھر سے کچھ ہی فاصلے پر ایک گہرا کنواں تھا۔ جب میں اس کنویں کے قریب پہنچا تو رُک گیا۔ لڑکی بھی میرے قریب آگئی۔ پھر یارسول اﷲ! میں نے اس بچی کا ہاتھ پکڑا اور اُٹھا کر اس کنویں میں ڈال دیا۔ معصوم بچی کنویں میں چیختی رہی اور بڑی درد بھری آواز میں مجھے ابا! ابا! کہہ کر پکارتی رہی۔ یارسول اﷲ! یہی اس کی زندگی کی آخری پکار تھی۔‘‘

اﷲ کے رسول پاک ﷺنے یہ درد بھری داستان سنی تو دل بھر آیا اور بے اختیار آنکھوں سے آنسو رواں ہوگئے۔ روتے روتے آپ ﷺکی داڑھی تر ہوگئی ۔رسول اﷲﷺکا عجیب حال تھا۔ ایک صحابی ؓنے کہا کہ تم نے یہ درد ناک آپ بیتی سنا کر رسول اﷲ ﷺکو دُکھ پہنچایا۔ رسول اﷲ ﷺنے فرمایا: ’’نہیں ان سے کچھ نہ کہو، ان سے کچھ نہ کہو۔ اس پر جو مصیبت پڑی ہے یہ اس کا علاج پوچھنے آئے ہیں۔‘‘ اور پھر انہی کی طرف مخاطب ہو کر فرمایا: پھر ان سے کہا: ’’تم اسلام لے آئے ہو تو اس برکت سے زمانۂ جاہلیت کے سارے گناہ معاف ہوگئے۔ جائواور اب اچھے کام کرو‘‘۔ (مسند دارمی)

خدا ہی بہتر جانتا ہے کہ کتنی بے گناہ اور بے بس بچیاں اس ظلم اور سفاکی کا نشانہ بنیں اور کتنے دنوں تک بیٹیاں اپنے ماں باپ کے ہاتھوں زندہ دفن ہوتی رہیں۔ اگرچہ اس دور میں بھی کچھ رحم دل خدا ترس انسان ضرور تھے جو لڑکیوں کو اس ظلم اور بربریت سے بچانے کے لئے اپنی کوششیں کرتے رہتے تھے لیکن یہ انفرادی کوششیں اس ہولناک رسم کو ختم نہ کر سکیں۔

مزید پڑھیں

گھر میں بچے اب تو لائق التفات سمجھے جاتے ہیں (خصوصاً زمانہ جاہلیت میں) تو بالکل ہی ان کو قابل توجہ اور لائق التفات نہیں سمجھا جاتا تھا لیک ...

مزید پڑھیں

حضرت ابوہریرہ رضی اللہ عنہ سے روایت ہے کہ حضرت رسول اللہ صلی اللہ علیہ وسلم نے ارشاد فرمایا کہ ’’ جہاں کہیں اللہ کے بندے اللہ کا ذکر ...

مزید پڑھیں

گذشتہ شماروں سے پڑھیں

اسلام امن پسند مذہب ہے لیکن اسے دنیا بھر میں دہشت گردی اور تشدد کا سامنا ہے ،بھارت سے لے فلسطین اور عرق سے لیبیا تک ہر جگہ غیر ملکی مداخلت ...

مزید پڑھیں

روزی کے متعلق سب سے پہلے اسلام نے خوب اچھی طرح یقین دلایاہے کہ دنیا اور اس کی تمام اشیاء کامالک ایک اﷲ ہے۔یہ مال ودولت حقیقت میں میر اتیر ...

مزید پڑھیں

عائلۃ عربی زبان میں بیوی اور گھر کے دیگر افراد کے لیے استعمال ہوتا ہے۔ عائلی زندگی سے اسلام نے قرآن حکیم اور رسول اکرم صلی اللہ علیہ وسلم ...

مزید پڑھیں