☰  
× صفحۂ اول (current) دین و دنیا(مولانا حافظ زبیر حسن اشرفی) دنیا اسپیشل(صہیب مرغوب) عالمی امور(محمد ندیم بھٹی) کیرئر پلاننگ(پرفیسر ضیا ء زرناب) سنڈے سپیشل(طیبہ بخاری ) فیشن(طیبہ بخاری ) کھیل(عبدالحفیظ ظفر) کچن شوبز(مرزا افتخاربیگ) خواتین(نجف زہرا تقوی) دنیا کی رائے(فاطمہ خان) روحانی مسائل(مولانا محمد یونس پالن پوری) طنزومزاح(حسین احمد شیرازی) ادب(الیکس ہیلی ترجمہ عمران الحق چوہان)
نگاہ جس کی دید کی نہ تاب لائے عمر بھر ۔۔۔۔

نگاہ جس کی دید کی نہ تاب لائے عمر بھر ۔۔۔۔

تحریر : طیبہ بخاری

07-07-2019

ادا جعفری نے کیا خوب کہا تھا کہ

محبت ایک راز ہے !

وہ راز ۔۔ روح میں رہے جو حسن بن کے جلوہ گر

نگاہ جس کی دید کی نہ تاب لائے عمر بھر

 شعور سے بلند تر

محبت ایک راز ہے !

محبت ایک ناز ہے !

وہ ناز جو حیات کو نشاط جاوداں کرے

زمیں کے رہنے والوں کو جو عرش آشیاں کرے

یہ فرقِ ایں وآں کرے

محبت ایک ناز ہے

محبت ایک خواب ہے !

وہ خواب جس کی سر خوشی پہ جنتیں نثار ہوں

فسانہ ساز زندگی کی عشرتیں نثار ہوں

حقیقتیں نثار ہوں

محبت ایک خواب ہے

محبت اک گناہ ہے !

لٹے نہ کاروانِ بو، رہے جو غنچہ میں نہاں

صدف سے باہر آکے پھر گہر کی آبرو کہاں

ہوئی جو محرمِ زباں

محبت اِک گناہ ہے !

محبت اک نگار ہے !

تمام صدق و سادگی، تمام حسن و کافری

تمام شورش و خلش ، مگر بطرزِ دلبری

شکست جس کی برتری

محبت اک نگار ہے !

رُباب کہتی ہیں ’’ زندگی میں محبت کے سوا کوئی جذبہ خالص ، پاک اور با اعتبار نہیں ہوتا ۔ ۔ ۔ ۔ اب یہ محبت کی شدت اور پاکیزگی پر منحصر ہے کہ اسے اس کی تمام خاصیتوں اور خوبیوں کے ساتھ کس سے کیا جائے ۔۔۔مجھے اپنے والدین ، بہن بھائیوں ، دوست احباب سب سے والہانہ محبت ہے اور اس محبت نے مجھے وہ سب کچھ دیا ہے جس کی زندگی میں صرف تمنا ہی کی جا سکتی ہے ۔

یہ بھرپور محبت کا ہی نتیجہ ہے کہ جن لوگوں سے میں محبت کرتی ہوں مجھے ان کے سوا کسی اور کی طرف دیکھنے کی فرصت اور طلب ہی نہیں ہوتی ، نفرت کس شے کا نام ہے مجھے نہیں معلوم ۔ میں تو بس اتنا جانتی ہوں کہ زندگی ایک مختصر کتاب ہے اس میں محبت کے سوا کوئی باب نہیں ہونا چاہئے ۔آج آپ سب سے ملاقات کیلئے میرا سب کیلئے پیغام ہے کہ آپ محبت سوچ سمجھ کر کریں اور جن سے کریں بھرپور کریں اس محبت میں کوئی کھوٹ اور ملاوٹ نہیں ہونی چاہئے ۔ رہی بات ملبوسات کی دنیا کی تو آج ’’دنیا ‘‘ سے ملاقات کے ذریعے میں نے آپ سب کیلئے جن رنگوں اور ڈیزائینز کا انتخاب کیا ہے وہ میری پسند ہیں اور محبت بھی ۔۔۔اور مجھے یقین ہے کہ میری پسند آپ کو بھی بہت پسند آئے گی ۔ ‘‘

گذشتہ شماروں سے پڑھیں

  احمد فراز نے کیا خوب کہا تھا کہ رت جگے ہوں کہ بھرپور نیند یں مسلسل اُسے دیکھنا وہ جو آنکھوں میں ہے اور آنکھوں سے اوجھل اُسے دیکھنا اِس کڑی دھوپ میں دل تپکتے ہیں اور بام پر وہ نہیں کل نئے موسموں میں جب آئیں گے بادل اُسے دیکھنا وہ جو خوشبو بھی ہے اور جگنو بھی ہے اور آنسو بھی ہے جب ہَوا گنگنائے گی ناچے گا جنگل اُسے دیکھنا

مزید پڑھیں

  یہ احمد فراز جیسے شاعر کا ہی کما ل تھا کہ وہ موسم کی حدت اور شدت کو اپنے الفاظ میں کس خوبصورتی سے بیان کرتے تھے دیکھو پگھلا پگھلا سونا بہہ نکلا کہساروں سے دیکھو بھینی بھینی خوشبو آتی ہے گلزاروں سے دیکھو نیلے نیلے بادل جُھول رہے ہیں جھیلوں پر تم بھی سُندر سُندر سپنوں کی لہروں پر بہہ جائو اور ذرا کچھ لمحے ٹھہرو اور ذرا رہ جائو

مزید پڑھیں

 میر تقی میر نے کیا خوب کہا تھا کہ گل کو محبوب ہم قیاس کیا فرق نکلا بہت جو پاس کیا دل نے ہم کو مثالِ آئینہ ایک عالم کا روشناس کیا کچھ نہیں سوجھتا ہمیں اُس بن شوق نے ہم کو بے حواس کیا

مزید پڑھیں