☰  
× صفحۂ اول (current) دین و دنیا(صاحبزادہ پیر مختار احمد جمال تونسوی) دین و دنیا(صاحبزادہ ذیشان کلیم معصومی) دین و دنیا(فقیر اللہ خاں) خصوصی رپورٹ(پروفیسر ڈاکٹر بصیرہ عنبرین ) غور و طلب(ڈاکٹر یمنیٰ نایاب) متفرق(محمد سعید جاوید) سنڈے سپیشل() فیشن(طیبہ بخاری ) کچن کی دنیا() کھیل(عبدالحفیظ ظفر) شوبز(مرزا افتخاربیگ) دنیا اسپیشل(صہیب مرغوب) رپورٹ(محمد ندیم بھٹی) گھریلو مشہورے(حکیم نیازاحمد ڈیال) روحانی مسائل(مولانا محمد یونس پالن پوری)
کچن کی دنیا

کچن کی دنیا

تحریر :

11-03-2019

چٹنی پراٹھا رول

اجزاء:چکن300گرام،دہی دو کھانے کے چمچ،کریم دو کھانے کے چمچ،ادرک لہسن کا پیسٹ ایک چائے کا چمچ، ہری مرچ کا پیسٹ دو کھانے کے چمچ،نمک1/2چائے کا چمچ،کالی مرچ 1/2 چائے کا چمچ،کچے پپیتے کا پیسٹ دو کھانے کے چمچ (پراٹھے کے لیے اجزاء) آٹا دو کپ،نمک حسبِ ضرورت،تیل حسبِ ضرورت (ساس کے لیے اجزاء) کریم1/2 کپ، مایونیز 1/2 کپ،لہسن دو کھانے کے چمچ،کالی مرچ1/2چائے کا چمچ،نمک1/4چائے کا چمچ،چینی ایک چائے کا چمچ (گارنش کے لیے)لیٹس لیوز اور ٹماٹر حسبِ ضرورت

ترکیب:ایک بائو ل میں چکن کے چھوٹے ٹکڑے کر کے کالی مرچ،نمک،ادرک لہسن کا پیسٹ، ہری مرچ کا پیسٹ،کچے پپیتے کا پیسٹ ،کریم اور دہی مکس کر لیں۔اب فرائنگ پین میں تیل گرم کر کے میری نیٹ کی ہوئی چکن شامل کر کے دھیمی آنچ پر پکائیں،پھر تیز آنچ پر فرائی کر لیں۔پراٹھوں کے لیے آٹے میں نمک اور تیل مکس کر کے گوندھیں اور ڈو بنا کر پراٹھے کی شکل دیں۔اس کے بعد تیل گرم کر کے انہیں فرائی کر لیں۔ساس بنانے کے لیے ایک بائول میں ساس کے تمام اجزاء مکس کر لیں۔ا ب پراٹھوں کے درمیان میں چکن کا مکسچر ڈالیںا ور اس کے اوپر ساس،ٹماٹر اور لیٹس لیوز رکھ کر پراٹھے رول کر لیں اور تیار چٹنی کے ساتھ سرو کریں۔

گرلڈ چکن کباب

اجزاء:بون لیس چکن1/2کلو،پیاز دو عدد،ہری مرچ چار عدد،ہرا دھنیا دو کھانے کے چمچ،ادرک لہسن کا پیسٹ ایک کھانے کا چمچ،نمک ایک چائے کا چمچ،کُٹی کالی مرچ ایک چائے کا چمچ،پسی جائفل1/2چائے کا چمچ،جاوتری1/2چائے کا چمچ،کُٹی لال مرچ دو چائے کے چمچ،پسا گرم مصالحہ ایک چائے کا چمچ،مکھن پچاس گرام،انڈاایک عدد،تیل ایک کھانے کا چمچ

ترکیب:پہلے چوپر میں بون لیس چکن،پیاز،ہری مرچ،ہرا دھنیا،نمک،کُٹی کالی مرچ،پسی جائفل،پسی جاوتری،کُٹی لال مرچ،ادرک لہسن کا پیسٹ اور پسا گرم مصالحہ ڈال کر باریک پیس لیں،پھر اسے نکال کر انڈا مکس کریں۔اس کے بعد گرل پین پر مکھن اورتیل گرم کریں اور قیمے کو اسکوائر کی طرح بنا کر گرل پین پر ڈال کر اچھی طرح دبائیں کہ گرل کے نشان آ جائیں۔جب رنگ آنے لگے تو چھری سے لمبائی میں کاٹیں،پھر اسے پلٹ کر دوسرے طرف سے بھی سرخ کر لیں اور کھانے کے لیے پیش کریں۔

لوبیا انڈا گریوی

اجزاء:اُبلے لال لوبیا ایک پائو،اُبلے سفید لوبیا ایک پائو،ثابت گرم مصالحہ ایک چائے کا چمچ،ٹماٹر چار عدد، تیل ایک کپ،نمک ایک چائے کا چمچ،ہلدی ایک چائے کا چمچ،ادرک لہسن کا پیسٹ دو چائے کے چمچ، زیرہ دو چائے کے چمچ،مکھن پچاس گرام،ثابت لال مرچ دس عدد،باریک کٹی ادرک حسبِ ضرورت،ہرا دھنیا حسبِ ضرورت،ہری مرچیں حسبِ ضرورت،اُبلے انڈے چار عدد

ترکیب:تیل گرم کر کے اس میں گرم مصالحہ ڈالیں۔جب خوشبو آ ئے تو ثابت لال مرچ،زیرہ، ٹماٹر، نمک، ادرک لہسن کا پیسٹ اور ہلدی ڈال کر اچھی طر ح بھونیں۔اب اُبلے لال لوبیا اور اُبلے سفید لوبیا ڈال کر آدھا گھنٹہ پکائیں اور مکس کریں،پھر ہری مرچیںا ور ہرا دھنیا ڈال دیں۔اس کے بعد ڈش میں نکال کر مکھن اور ادرک کا تڑکادیں اور اوپر اُبلے انڈے رکھ دیں۔

دہی پکوڑا کڑہی

اجزاء:کھٹی دہی1/2کلو،پیاز ایک عدد،ٹماٹر ایک عدد،پسی لال مرچ دو چائے کے چمچ، ہلدی 1/2 چائے کا چمچ،نمک ایک چائے کا چمچ،میتھی دانہ ایک چائے کا چمچ،تیل دو کھانے کے چمچ،بیسن چار کھانے کے چمچ،پانی تین گلاس (پکوڑوں کے لیے اجزاء)بیسن ایک کپ،لال مرچ1/2چائے کا چمچ، نمک 1/2چائے کا چمچ،سوڈا1/4چائے کا چمچ،زیرہ1/2چائے کا چمچ،تیل فرائنگ کے لیے (تڑکے کے لیے اجزاء)تیل ایک کپ،گول لال مرچ چھ عدد،کڑی پتے چھ عدد،زیرہ ایک چائے کا چمچ،لہسن چھ جوئے

ترکیب:پہلے بلینڈر میں پیاز،ٹماٹر،دہی،لال مرچ،نمک،ہلدی،بیسن اور پانی ڈال کر بلینڈ کر لیں۔اب تیل گرم کر کے میتھی دانہ ڈالیں اور چمچ چلاتے رہیں،پھر اس میں بلینڈ کیے ہوئے اجزاء شامل کر کے اُبال آنے تک پکائیں۔پکوڑوں کے لیے ایک بائول میں بیسن،لال مرچ،نمک،سوڈا اور زیرہ ڈال کر مکس کریں اور تیل گرم کر کے فرائی کر کے نکال لیں۔آخر میں تیل گرم کر کے تڑکے کے اجزاء شامل کر دیں اور کڑھی پکوڑوں پر تڑکا لگا کر سروکریں۔

ناریل کی مٹھائی

اجزاء:ناریل پائوڈر250گرام،چینی 200گرام،کٹا ناریل100گرام،خشک دودھ250 گرام، کشمش پچاس گرام،کٹے بادام پچاس گرام،پانی ایک کپ

ترکیب:ایک برتن میں پانی اور چینی ڈال کر اتنی دیر پکائیں کہ گاڑھا شیرہ بن جائے۔اب اس میں خشک دودھ اور ناریل پائوڈر ڈال دیں،ساتھ ہی بادام اور کشمش شامل کر دیں۔اب اوپر کٹا ناریل ڈال کر ٹھنڈا ہونے دیں،آخر میں اس کے کیوبز کاٹ لیں۔

سیخ کباب کٹا کٹ

اجزاء:سیخ کباب ایک پیکٹ،چوپڈ پیاز ایک کپ،ٹماٹر ایک کپ،ہرا دھنیا ایک گٹھی،ہری مرچیں چھ عدد،مکھن پچاس گرام،کالی مرچ1/2چائے کا چمچ،نمک1/2چائے کا چمچ،تیل دو کھانے کے چمچ،قصوری میتھی ایک کھانے کا چمچ

ترکیب:توے پر تیل اورمکھن گرم کر کے سیخ کباب فرائی کر لیں۔اب ان میں تمام اجزاء شامل کر کے چوپ کر لیں۔آخر میں ہرا دھنیا چھڑک کر سرو کریں۔

کڑی پتا چاول

اجزاء:چاول1/2کلو،چکن بون لیس1/2کلو،پودینہ ایک گٹھی،پیاز دو عدد،ہری مرچ چھ عدد،کڑی پتے دس عدد،یخنی دو کپ،تیل1/2کپ،نمک ایک چائے کا چمچ،ثابت مکس گرم مصالحہ ایک کھانے کا چمچ،ادرک لہسن کا پیسٹ ایک کھانے کا چمچ

ترکیب:تیل گرم کر کے پیاز برائون کریں۔اب اس میں چکن،ثابت مکس گرم مصالحہ اور ادرک لہسن کا پیسٹ ڈال کر اچھی طرح بھون لیں،پھر اس میں نمک،یخنی اور کڑی پتے شامل کر کے دس منٹ دھیمی آنچ پر پکائیں۔اس کے بعد بھیگے ہوئے چاول،پودینہ اور ہری مرچ ڈال کر پکنے دیں۔جب پانی خشک ہو جائے تو دس منٹ دم پر دکھیں۔مزیدار کڑی پتا چاول تیار ہے۔

گذشتہ شماروں سے پڑھیں

بیف اسٹو اجزاء:اُبلابیف1/2کلو،نمک ایک چائے کا چمچ،میدہ دو کھانے کے چمچ،کُٹی کالی مرچ دو چائے کے چمچ،مکھن پچاس گرام، مشروم ایک کپ،یخنی چار کپ،ٹماٹر کا پیسٹ 1/2 کپ، تھائم 1/2چائے کا چمچ،بیزل1/2چائے کا چمچ اوریگانو1/2چائے کا چمچ، پسا گرم مصالحہ1/2چائے کا چمچ،چھوٹے آلو چار عدد،گاجر ایک عدد، مٹر ایک کپ،پیاز ایک عدد،ہرا دھنیا دو کھانے کے چمچ،پسا لہسن ایک چائے کا چمچ،تیل حسبِ ضرورت ترکیب:تیل اور مکھن گرم کر کے پیاز بھو ن لیں۔اب اس میں نمک،میدہ ،کالی مرچ،لہسن اور گوشت اچھی طرح بھون لیں ،پھر اس میں تھائم،بیزل،اوریگانو،ٹماٹر کا پیسٹ،مشروم،گاجر،آلو،یخنی اور مٹر ڈال کر دھیمی آنچ پر ایک گھنٹہ پکنے دیں۔آخر میں ہرا دھنیا اور گرم مصالحہ چھڑک کر پیش کریں۔    

مزید پڑھیں

کرسپی میکرونی اجزاء:اُبلی میکرونی1/2پیکٹ،کرسپی شاٹس1/2پیکٹ،ٹومیٹو کیچپ1/2کپ،کالی مرچ ایک چائے کا چمچ،نمک ایک چائے کا چمچ،کُٹی لال مرچ ایک چائے کا چمچ،سرکہ ایک کھانے کا چمچ،سویا ساس ایک کھانے کا چمچ،لہسن ایک کھانے کا چمچ،تیل تین سے چار کھانے کے چمچ،ہری پیاز سرونگ کے لیے    

مزید پڑھیں

  چکن جنجر   اجزاء: بون لیس چکن ایک کلو،باریک کٹی ادرک دو کھانے کے چمچ ہری مرچیں دس عدد،پسے ٹماٹر ایک کپ، ٹومیٹو کیچپ1/2کپ،باریک کٹی پیاز ایک عدد،ہلدی ایک چائے کا چمچ،کٹا زیرہ دو چائے کے چمچ،پسا گرم مصالحہ ایک چائے کا چمچ،نمک ایک چائے کا چمچ،لیموں کا رس چار عدد،سویا ساس دو کھانے کے چمچ،کُٹی لال مرچ ایک چائے کا چمچ،چلی ساس دو کھانے کے چمچ،تیل 1/2کپ    

مزید پڑھیں