☰  
× صفحۂ اول (current) سنڈے سپیشل سپیشل رپورٹ دنیا اسپیشل دین و دنیا کچن کی دنیا فیشن کھیل خواتین متفرق کیرئر پلاننگ ادب
کچن کی دنیا

کچن کی دنیا

تحریر :

05-12-2019

پاپڑی میدہ

اجزاء:چھنا ہوا میدہ1/2پیالی،چھنا ہوا آٹا1/2پیالی،پھینٹی ہوئی دہی ایک بڑا پیالا،اُبلا آلو(چھوٹے چوکور ٹکڑے) ایک عدد،بوندی دو کھانے کے چمچ،پسی سونٹھ چار کھانے کے چمچ،اُبلے کابلی چنے دو کھانے کے چمچ،انار دانہ ایک کھانے کا چمچ،نمک حسب ذائقہ،پسی لال مرچ حسب ذائقہ،چاٹ مصالحہ حسب ذائقہ،تیل حسب ضرورت ترکیب:ایک پیالے میں1/2پیالی چھنا ہوا میدہ،1/2پیالی چھنا ہوا آٹا اور دو کھانے کے چمچ تیل ڈال کر پانی سے گوندھیں۔اب کڑاہی میں حسب ضرورت تیل گرم کر لیں،پھر آٹے کی روٹی بیل کر چھوٹی گول پاپڑیاں کاٹ لیں اور انہیں گرم کیے ہوئے تیل میں گولڈن تل کر نکا ل لیں۔اس کے بعد ایک بڑا پیالا پھینٹی ہوئی دہی میں پاپڑوں کو لپیٹ کر پلیٹ میں رکھتے جائیں،پھر اُن پر ایک عدد اُبلے آلو کے چھوٹے چھوٹے چوکور ٹکڑے کاٹ کر ڈال دیں ساتھ میں دو کھانے کے چمچ بوندی،دو کھانے کے چمچ اُبلے کابلی چنے،حسب ذائقہ نمک،حسب ذائقہ پسی لال مرچ اور حسب ذائقہ چاٹ مصالحہ بھی شامل کر دیں۔اب ان کے اوپر چار کھانے کے چمچ پسی سونٹھ پھیلا دیں۔اس میں دھنیے کی ہری چٹنی بھی ڈال سکتے ہیں۔آخر میں ایک کھانے کاچمچ انار دانہ سے سجا کر چٹ پٹی پاپڑی چاٹ سروکریں۔

فالودہ

اجزاء:دودھ ایک لیٹر،کنڈینسڈ ملک1/2کپ،لال شربت حسب ضرورت،فروٹ کوکٹیل ایک کپ، ونیلا آئس کریم 1/2لیٹر،سٹرا بیری جیلی ایک پیکٹ،فا لودہ حسب ضرورت فالودہ کے اجزاء:کارن فلور ایک کپ،پانی تین کپ ترکیب:پہلے1/2کپ کنڈینسڈ ملک کو ایک لیٹر دودھ میں مکس کر کے گاڑھا کر لیں۔اب میٹھا کرنے کے لیے حسب ضرورت لال شربت کو دودھ میں ڈالیں اور ٹھنڈا کر کے گلاس میں ڈال لیں،پھر حسب ضرورت فالودہ ڈالیں اور اوپر کُٹی برف کو1/2لیٹر ونیلا آئس کریم ،بنائے ہوئے دودھ کے ساتھ ڈال کر ایک کپ فروٹ کوکٹیل مکس کر لیں۔اوپر ایک پیکٹ سٹرابیری جیلی ڈال دیں۔مزیدار فالودہ تیار ہے۔

مانڈے

اجزاء: میدہ250گرام،نمک1/2چائے کا چمچ،پانی حسب ضرورت،تیل1/2کپ ترکیب: ایک پیالے میں250گرام میدہ،1/2چائے کا چمچ نمک اور حسب ضرورت پانی ڈال کر ڈو گوندھ لیں۔اب اسے تھوڑی دیر کے لیے رکھ دیں،پھر اس کے چھوٹے چھوٹے پیڑے بنا لیں اور ہر پیڑے کو بیل کر تیل لگا دیں۔اس طرح چار پیڑوں کی تہہ لگائیں اور ایک ساتھ سینک لیں۔تیار ہو جانے پر مانڈوں کو کپڑے میں لپیٹ کر سرو کریں۔

آلو کے تکونی سموسے

اجزاء: میدہ250گرام،گرم گھی1/4کپ،نمک1/2چائے کا چمچ،اجوائن 1/4چائے کا چمچ،پانی(ڈو بنانے کے لیے)حسب ضرورت،(فلنگ کے اجزاء)اُبلے اور کچلے ہوئے آلو 250 گرام، کھٹائی پائوڈر1/2چائے کا چمچ،نمک1/2چائے کا چمچ،کُٹی لال مرچ1/2چائے کا چمچ،کٹا ہرا دھنیا ایک کھانے کا چمچ،باریک کٹی ہری مرچ دو عدد ترکیب: ایک پیا لے میں1/4کپ گرم گھی ڈالیں۔اب اس میں250گرا م میدے کو1/2چائے کا چمچ نمک اور1/4چائے کا چمچ اجوائن کے ساتھ شامل کر کے حسب ضرورت پانی ڈال دیں،پھر اچھی طرح گوندھ کر سخت ڈو بنا لیں۔اب اس کی چھوٹی چھوٹی بالز بنائیں اور اوول شیپ میں رول کر لیں۔ اس کے بعد انہیں درمیان میں سے آدھا کاٹ کر ایک حصے پر پانی لگائیں۔اب انہیں کون کی شکل دے کر ان میں فلنگ بھریں اور ایک طرف سے دبا کر دوسری طرف سے فولڈ کر کے سموسے بنا لیں،پھر انہیں فرائی کریں یہاں تک کہ گولڈن ہو جائیں۔فلنگ کے لیے ایک پیالیں میں250گرام اُبلے اور کچلے ہوئے آلو،1/2چائے کا چمچ کھٹائی پائوڈر،1/2چائے کا چمچ نمک،1/2چائے کا چمچ کُٹی لال مرچ، ایک کھانے کاچمچکٹا ہرا دھنیا اور دو عدد باریک کٹی ہری مرچ ڈال کر مکس کر لیں۔

گارلک کریلا کڑاہی

اجزاء:کریلے1/2کلو،کٹا لہسن 1/4کپ،چاٹ مصالحہ ایک کھانے کا چمچ،سوپ سٹاک دو کھانے کے چمچ، کُٹی لال مرچ ایک چائے کا چمچ،زیرہ ایک چائے کا چمچ،ہری مرچ تین سے چار عدد،ٹماٹر تین سے چار عدد،لمبائی میں کٹی ادرک ایک کھانے کا چمچ،تیل1/4کپ ترکیب: کریلے چھیل کر کاٹیں اور نمک ملا کر اچھی طرح دھو لیں۔کٹالہسن اور چاٹ مصالحے میں تھوڑا سا سوپ سٹاک ملا کر کریلوں میں بھرد یں۔ایک پین میں تیل گرم کر کے کریلے ڈالیں اور ڈھک کر دس منٹ ہلکی آنچ پر پکا لیں۔اُسی کڑاہی میں زیرہ اور کٹے ٹماٹر پانچ منٹ پکائیں،پھر ہری مرچ،کُٹی لال مرچ اور باقی سوپ سٹاک ملائیں۔اب کڑاہی میں بھنے ہوئے کریلے ڈال کر مزید پکائیں۔کریلا کڑاہی تیار ہے،لمبائی میں کٹی ادرک سے گارنش کر کے سرو کریں۔

بی نٹ بٹر پارفے

اجزاء: کریم1-1/2کپ،چینی دو کھانے کے چمچ،سادہ پی نٹ 1/4کپ،ونیلا یا چاکلیٹ پڈنگ دو کپ،پی نٹ کوکیز چھ عدد ترکیب: ایک پیالے میں ایک کپ کریم اور چینی اچھی طرح پھینٹیں۔الگ پیالے میں پی نٹ بٹر اور باقی کریم پھینٹ لیں۔اب اس میں پھینٹی ہوئی کریم سپیٹلا کی مدد سے ملائیں۔سرونگ گلاس میں ونیلا یا چاکلیٹ پڈنگ اور کریم والے آمیزے کی تہیں لگائیں اور ڈھک کر فریج میں خوب ٹھنڈا کریں۔سرو کرنے سے پہلے پارفے،پی نٹ کوکیز کے چورے سے گارنش کر لیں۔

قیمے کے سموسے

اجزاء:قیمہ250گرام،پیاز ایک بڑی،سفید زیرہ،ثابت دھنیا ایک کھانے کا چمچ،ادرک لہسن کا پیسٹ ایک چائے کا چمچ،ہری مرچ1-1/2چائے کا چمچ،لیمو ں کا رس ایک کھانے کا چمچ،گرم مصالحہ ایک چائے کا چمچ،نمک ایک چائے کا چمچ،تیل ایک کھانے کا چمچ ترکیب:ایک پین میں ایک کھانے کا چمچ تیل ڈال کر ایک بڑی پیاز فرائی کریں،پھر اس میں 250 گرام قیمہ،ایک کھانے کا چمچ سفید زیرہ،ثابت دھنیاایک چائے کا چمچ ،ادرک لہسن کا پیسٹ 1-1/2 چائے کا چمچ، ہری مرچ،ایک کھانے کا چمچ لیموں کا رس،ایک چائے کا چمچ گرم مصالحہ اور ایک چائے کا چمچ نمک ڈال کر اچھی طرح بھون لیں،پھر اس فلنگ کو سموسے میں بھریں اور فرائی کریں۔

گذشتہ شماروں سے پڑھیں

 

دہی پھلکی رائتہ

اجزاء:دہی 1/2کلو،پیاز ایک عدد،ٹماٹر ایک عدد،اُبلا آلو ایک عدد،بار ...

مزید پڑھیں

انڈے اور آلو کے کٹلس

اجزاء: اُبلے ہوئے انڈے چار عدد،بریڈ کرمبز حسبِ ضرو ...

مزید پڑھیں

ٹومیٹو کورینڈ چکن اجزاء:

چکن1/2کلو،ہرا دھنیا 1/2گٹھی،لیموں کا رس دو کھانے ...

مزید پڑھیں