☰  
× صفحۂ اول (current) دین و دنیا(ڈاکٹر محمد طاہر القادری) دنیا اسپیشل(صہیب مرغوب) صحت(ڈاکٹر آصف محمود جاہ ) فیچر(ڈاکٹر سعدیہ اقبال) کیرئر پلاننگ(پرفیسر ضیا ء زرناب) رپورٹ(محمد ندیم بھٹی) ہم ہیں پاکستانی(رحمی فیصل) ہم ہیں پاکستانی() فیشن(طیبہ بخاری ) سنڈے سپیشل(طیبہ بخاری ) کچن کی دنیا() کھیل(عبدالحفیظ ظفر) خواتین(وردہ صدیقی ) خواتین(انعم ثناء) خواتین() خواتین() متفرق(عذرا جبین) متفرق(اسحاق جیلانی) روحانی مسائل(مفتی محمد یونس پالنوری) ادب(الیکس ہیلی ترجمہ عمران الحق چوہان)
تعلیم و تربیت

تعلیم و تربیت

تحریر : انعم ثناء

07-28-2019

آج کل کے جدید دور میں جہاں تعلیم ضروری ہے وہاں تربیت بھی ضروری ہے۔تعلیم وہ ہے جو کتاب میں لکھی ہے۔استاد نے پڑھایا ،بچے نے یاد کیا ،امتحانی پرچے میں لکھا ،پاس یا فیل ٹھہرا۔ڈگری ہاتھ میں آئی جس کے ذریعے اس نے زندگی میں روزی کمانی ہے۔

جب کہ تربیت لکھی،پڑھی ،پڑھائی یا بتائی نہیں جاتی ہے بلکہ یہ ایک عملی رویہ ہے۔ بچوں کی زندگیاں والدین کے گرد گھومتی ہیں بچہ ہر معاملے میں ان کا محتاج نظر آتا ہے اپنی زندگی کا ہر مشورہ اور فیصلہ اپنے ماں باپ کی مرضی سے کرتے ہیں۔اس بات میں کوئی شک نہیں ہے کہ تعلیم کے بغیر دنیا میں رہنا بہت مشکل ہے۔جونہی بچہ تین سال کا ہوتا ہے والدین کو اس کی تعلیم کی فکر ہو جاتی ہے۔بچوں کو بہترین تعلیم دینے کے لیے اچھے سے اچھے اسکول کا انتخاب کرتے ہیں۔بہترین کتابیں خرید کر دی جاتی ہیں،پھر سالانہ امتحانات کی رپورٹ گھور گھور کر دیکھی جاتی ہے۔اگر ایک نمبر بھی کم ہوا تو پوچھ گچھ کی جاتی ہے لیکن کیا اس کے ساتھ ہم بچوں کی تربیت میں بھی اتناتردد کرتے ہیں؟

یہ ایک اہم سوال ہے جس کا جواب یہ ہے کہ والدین اپنے بچوں کی تربیت نہیں کر رہے بلکہ وہ صرف تعلیم دینے پر زور دے رہے ہیں کہ ان کا بچہ کسی اچھی فیلڈ میں جا کر ان کا نام روشن کرے۔ہم جسے تعلیم کہتے ہیں وہ صرف اور صرف روزگار کے حصول کا ذریعہ بن گئی ہے جب کہ تربیت وہ شے ہے جو صرف روزگار کی جگہ ہی نہیں معاشرے میں ،گھر میں ،سڑک پر، بیگانوں کے ساتھ معاملات طے کرنے میں کام آتی ہے بغیر تربیت کے تعلیم اتنی ادھوری شے ہے کہ وہ آپ کو مکمل طور پر روزگار کے قابل بھی نہیں بنا سکتی ۔فرض کریں آپ کو نوکری مل گئی ہے مگر جب آپ کام ایمانداری سے نہیں کریں گے تو آپ کی نوکری برقرار نہیں رہے گی۔

اولاد کی صحیح تربیت والدین پر فرض ہے۔بچے وہی سیکھتے ہیں جو اس کے آس پاس ہوتا ہے اگر والدین خود نیک ہو گے تو بچوں کی تربیت بھی اچھے سے کر سکیں گے۔نیک اولاد نہ صرف دنیا میں فائدہ دیتی ہے بلکہ آپ کے دنیا سے جانے کے بعد صدقہ جاریہ بھی بنتی ہے۔مشہور قول ہے ’’جو باپ اپنے بچوں کو ادب سکھاتا ہے وہ اپنے دشمن کو نیست و نابود کرتا ہے‘‘،کیونکہ جب بچہ ادب سیکھ جاتا ہے تو دولت ،شہرت ،اور عزت سب حاصل کر لیتا ہے۔اگر آپ خود بچوں کے سامنے جھوٹ بولیں گے تو بچے بھی وہی سیکھیں گے ایک طرف تو ہم بچو ںکو کہتے ہیں کہ ’’سچ بولنا اچھی بات ہے‘‘ اور اگر ہمارے گھر پر کوئی دستک دے تو ہم بچے کو کہہ دیتے ہیں کہ ’’جاؤ اور کہہ دو ابو گھر پر نہیں ہیں‘‘۔بچے کی اچھی تربیت کرنے کے لیے ہمارا خود اچھا ہونا ضروری ہے۔انسانوں سے محبت کرنا ،ان کے درد کو اپنا درد سمجھنا ان کی خوشی میں خوش ہونا ۔بچہ حقوق العباد صرف اس وقت سیکھ سکے گا جب والدین خود سیکھیں گے۔

ایک دانشور نے کہا ہے ’’یتیم وہ بچہ نہیں جن کے والدین دنیا سے چلے گئے بلکہ اصل یتیم تو وہ ہے جن کی ماؤں کو اولادکی تربیت میں کوئی دلچسپی نہیں ہے اور باپ کے پاس انہیں دینے کے لیے ٹائم نہیں ہے‘‘۔والدین بچوں کی تربیت سکول و کالج کی ذمہ داری نہ سمجھیں بلکہ اپنی نگرانی میں اولاد کی شخصیت سازی کریں۔بچے کی تعلیم کی ذمہ داری تو کسی پر چھوڑی جا سکتی ہے مگر تربیت ہمیں خود کرنی ہوگی۔آج کل کے دور میں تعلیم اور تربیت دونوں ہی ضروری ہیں کیونکہ اچھی تعلیم و تربیت سے بچے میں خود اعتمادی پیدا ہو گی اور اسے زندگی میں مشکلا ت کا سامنا کرنے میں آسانی ہو گی۔

مزید پڑھیں

اُبلتے ہوئے دودھ کو گرنے سے بچانے کے لیے دیگچی کے کنارے پر تھوڑا سا گھی یا مکھن لگا دیں ،اُبلتے وقت دودھ نیچے نہیں گرے گا۔

...

مزید پڑھیں

پانی جلد کی قدرتی چمک اور صحت کے لیے کتنا ضروری ہے یہ تو ہم سب ہی جانتے ہیں،روزانہ آٹھ سے دس گلاس پانی پینے سے نا صرف جسم کے اندر موجود مُ ...

مزید پڑھیں

ہنر ایک ہیرا ہے یہ جس کے پاس بھی ہے وہ خوش قسمت اور مالدار انسان ہے۔یہ ابن آدم پر مبنی ہے کہ وہ اپنے ہیرے کو کیسے قیمتی سے قیمتی بنا کر اس س ...

مزید پڑھیں

گذشتہ شماروں سے پڑھیں

چولہا جلاتے وقت یہ خیال رکھیے کہ اس کی لو زیادہ بلند نہ ہونے پائے ،ورنہ آپ کے ہاتھ جھلس جانے کا امکان ہے۔

...

مزید پڑھیں

بال جاذب نظر شخصیت کے ضامن ہوتے ہیں۔ان کے بارے میں سب سے اہم بات یہ ہے کہ سر کی جلد کے اوپر موجود تمام بال مردہ ہوتے ہیں،یعنی جو بال جلد کے ...

مزید پڑھیں

سردی کے موسم میں جہاں نزلہ،زکام،کھانسی ،بخار ،انفیکشن وغیرہ اور دیگر بیماریوں کا حملہ ہوتا ہے ،وہیں ہماری جلد بھی خشکی اور مختلف مسائل ...

مزید پڑھیں